पेलिङदेखि सिलगढ़ी फर्कने क्रममा पर्यटकहरू सवार गाड़ीमाथि रूख ढल्यो। अचानक रूख गाड़ीमाथि ढल्दा केही व्यक्ति घाइते भएका छन्। मौसम खराब थिएन तर पनि त्यसरी किन रूख ढल्यो भनेर बुझ्न नसकिएको स्थानीयहरूले बताएका छन्। प्रारम्भिक रूपमा पर्यटकहरूलाई चिकित्सकीय सहायता दिइएको छ। तर कतिजना पर्यटक घाइते भए वा गाड़ीमा कति पर्यटकहरू थिए भन्ने तथ्यबारे अझै निश्चित रूपमा थाहा भएको छैन। रूख ढल्दा बाटोमा अस्थायी रूपमा वाहनहरूको आवागमन बन्द भएको थियो। घटनास्थलमा पुलिस र उद्धार टोली पुगेका थिए। केही समयपछि स्थिति सामान्य भएको जानकारी प्राप्त भएको छ।